بلوچستان کے ضلع نوشکی کے علاقے گلنگور کے قریب ایک پاکستانی فوجی گاڑی پر ہونے والے آئی ای ڈی حملے میں پاکستانی فوج کے اہلکاروں کی ہلاکت کی اطلاعات ہیں۔ حکام کے مطابق یہ واقعہ نوشکی شہر سے تقریباً 34 کلومیٹر دور پیش آیا۔
دھماکے کے نتیجے میں گاڑی کو شدید نقصان پہنچا جبکہ اس میں سوار اہلکاروں کے متاثر ہونے کی اطلاعات ہیں۔
حکام نے واقعے میں ایک اہلکار کے ہلاک اور دو اہلکاروں کے زخمی ہونے والے کی تصدیق کردی ہے۔تاہم مقامی ذرائع نے سرکاری موقف سے اختلاف کرتے ہوئے دعویٰ کیا ہے کہ حملے میں ہلاکتوں اور زخمیوں کی تعداد سرکاری طور پر بتائی گئی تعداد سے زیادہ ہو سکتی ہے۔
بعض عینی شاہدین کے مطابق دھماکہ انتہائی شدید نوعیت کا تھا اور ممکنہ طور پر ایک سے زائد اہلکار متاثر ہوئے ہیں، تاہم اس بارے میں آزاد ذرائع سے تصدیق ممکن نہیں ہو سکی۔
