بلوچستان کے ضلع قلات میں پاکستانی فورسز کی گاڑی کو آئی ای ڈی دھماکے میں نشانہ بنایا گیا ہے۔
آج صبح قلات کے علاقے ہربوئی میں پاکستانی فورسز کے قافلے میں شامل گاڑی کو نامعلوم افراد نے بم دھماکے میں نشانہ بنایا ہے۔
ذرائع نے ٹی بی پی کو بتایا کہ دھماکے کے نتیجے میں فورسز کے دس اہلکار ہلاک و زخمی ہوئے ہیں جبکہ گاڑی مکمل تباہ ہوگئی ہے۔
حکام نے نقصانات کے حوالے سے تاحال کوئی تفصیلات فراہم نہیں کی ہے۔
خیال رہے گذشتہ روز بھی اسی علاقے میں بلوچ لبریشن آرمی نے موٹر سائیکلوں پر سوار پاکستانی فورسز کے اہلکاروں کو گھات لگاکر نشانہ بنایا۔ حملے کے نتیجے میں فورسز کے چار اہلکار ہلاک اور کم از کم چھ زخمی ہوئیں۔
بی ایل اے کی جانب سے گذشتہ روز ہونے والے حملے کی ویڈیو جاری کی گئی ہے جس میں ہلاک اہلکاروں اور قبضے میں لیئے گئے ان کا اسلحہ دکھایا گیا ہے۔ واضح رہے گذشتہ روز حملے میں ہلاکتوں کے حوالے سے تاحال حکام نے کوئی موقف پیش نہیں کیا ہے۔
