سوارب سے آمد اطلاعات کے مطابق بیتگو کراس سکندر چیک پوسٹ پر پولیس کا تربت سے جاری لانگ مارچ کے قافلے پر دھاوا بولتے ہوئے خاتون سمیت دو افراد کو زخمی کردیا جن میں ایک شدید زخمی شامل ہے۔
واضح رہے کہ لانگ مارچ کے قافلے کو آج صبح زاوہ چیک پوسٹ اور سوراب بائی پاس کے درمیان روڈ پر کنٹینرز رکھ کر راستہ بند کر دیا گیا تھا تاہم لانگ مارچ کے شرکا نے کنٹینرز عبور کرکے سوراب پہنچ گئے۔
سوراب پہنچنے پر گوڈا چوک پر دھرنا دیا گیا جس میں لاپتہ افراد کے لواحقین سمیت سینکڑوں افراد شریک رہے اور لاپتہ افراد کی رجسٹریشن کیلئے ڈیسک قائم کیا گیا۔
لانگ مارچ منتظمین کا کہنا ہے کہ ریاستی جبر سے یہ قافلہ نہیں روک سکتا ہے۔ رات کو قلات میں پڑاؤ ہوگا ۔ جبکہ اگلی منزل منگچر، مستونگ اور بعد میں کوئٹہ روانہ ہونگے۔
