بلوچ لبریشن آرمی کے ترجمان جیئند بلوچ نے میڈیا کو جاری کردہ بیان میں کہا ہے کہ بلوچ لبریشن آرمی کے سرمچاروں نے مارگٹ اور تربت میں دو مختلف بم حملوں میں قابض پاکستانی فوج کو نشانہ بناکر شدید جانی و مالی نقصان پہنچایا۔
جیئند بلوچ نے کہا کہ پہلے حملے میں سرمچاروں نے گذشتہ روز بولان کے علاقے مارگٹ میں درینجن کے مقام پر دشمن فوج کے راستے پر بارودی سرنگ بچھائی، جس کی زد میں آنے سے بم ڈسپوزل اسکواڈ کے دو اہلکار زخمی ہوگئے۔
جیئند بلوچ کے مطابق دوسرے حملے میں آج تربت کے علاقے ناصر آباد میں بی ایل اے کے سرمچاروں نے دشمن فوج کے قافلے میں شامل ایک گاڑی کو آئی ای ڈی حملے میں نشانہ بنایا، جس کے نتیجے دشمن کو جانی و مالی نقصانات کا سامنا کرنا پڑا۔
جیئند بلوچ نے کہا کہ بلوچ لبریشن آرمی ان دونوں حملوں کی ذمہ داری قبول کرتی ہے اور اس عزم کو دہراتی ہے کہ بلوچ وطن سے دشمن کے مکمل انخلاء تک ہماری کاروائیاں جاری رہینگی۔
