بلوچستان کے ساحلی شہر گوادر میں منگل کی شب میرین ڈرائیور سید ہاشمی یادگار چوک پر ایم وی ٹی کے اہلکاروں کے رویے کے خلاف عوام سراپا احتجاج بن گئے –
شہریوں کے مطابق اسنیپ چیکنگ کے نام پر راہ چلتے لوگوں کو روک کر چیکنگ شروع کردی گئی ہے جس کی وجہ سے شہریوں کو شدید پریشانی کا سامنا کرنا پڑا-
شہریوں اور اہلکاروں کے درمیان گہماگہمی کے بعد حق دو تحریک کے کارکن موقع پر پہنچ گئے اور میرین ڈرائیو پر احتجاجاً ٹریفک کی روانی معطل کر دی –
آخری اطلاعات تک میرین ڈرائیو کے مقام پر احتجاج جاری ہے اور لوگوں کی آمد کا سلسلہ جاری ہے –
شہریوں کے مطابق گوادر شہر میں کئی سیکورٹی فورسز جگہ جگہ اسنیپ چیکنگ کے نام پر لوگوں کی تذلیل کرتے ہیں –
شہریوں نے کہا کہ پولیس، ایف سی سمیت کسی بھی ادارے کو یہ حق نہیں کہ وہ معزز شہریوں کو راہ چلتے روک کر پریشان کریں –
