خانہ بدوشوں سے بھری ٹرالی پنجاب جاتے ہوئے تنگی سر کے مقام پر گہری کھائی میں جا گری
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے شمال مشرقی ضلعے موسیٰ خیل کے تحصیل درگ کے علاقے تنگی سر میں ٹریکٹر ٹرالی کھائی میں گر جانے سے تین خواتین سمیت چار افراد جانبحق اور پانچ زخمی ہوگئے ہیں۔
خانہ بدوش خاندان ٹریکٹر ٹرالی میں تنگی سر سے گذر رہے تھے کہ حاثے کا شکار ہوگئے۔
اطلاعات کے مطابق تحصیلدار درگ امیر خان کھیتران نے واقع کی تفصیلات بتاتے ہوئے کہاکہ خانہ بدوشوں سے بھری ٹرالی تنگی سر کے مقام سے گذرتے ہوئے کھائی میں گر جانے سے ٹریکٹر ٹرالی میں سوار افراد میں سے تین خواتین سمیت چار افراد موقع پر جانبحق جبکہ ایک خاتون سمیت پانچ افراد زخمی ہوگئے ہیں۔
جانبحق اور زخمیوں کو آر ایچ سی ہسپتال درگ پہنچا دیا گیا ہے۔ تحصیلدار کے مطابق متاثرہ خاندان کا تعلق ضلع ژوب سے ہے۔
دریں اثناء پنجاب جانے والے خانہ بدوشوں کی بڑی تعداد ہر سال اس موسم میں یہاں سے گذر کرجاتے ہیں۔
