تربت میں ایف سی ٹریننگ کیمپ پر راکٹوں سے حملہ
دی بلوچستان پوسٹ نمائندے کے مطابق تربت کے علاقے آپسر میں نامعلوم افراد کی جانب سے فرنٹئر کور کے ٹریننگ کیمپ پر حملہ کیا گیا ہے۔
علاقائی ذرائع کے مطابق نامعلوم افراد نے کیمپ پر راکٹ فائر کیےجس کے نتیجے میں فورسز کو جانی و مالی نقصان اٹھانے کا خدشہ ظاہر کیا جارہا ہے۔ جبکہ حملہ آور فرار ہونے میں کامیاب ہوئے ہیں۔
واضح رہے کہ کیچ و گوادر کے علاقوں میں تواتر کے ساتھ مسلح افراد فورسز اور سی پیک سے منسلک منصوبوں پر حملے کرتے رہے ہیں ، اور ان حملوں کی ذمہ داری مختلف مسلح بلوچ تنظیمیں قبول کرتے ہیں ۔
تربت ہی میں اس سے قبل ریاستی مکران میلے پر 140ایم ایم میزائل داغا گیا تھا جس کی ذمہ داری بی ایل اے نے قبول کی تھی ۔
