خاران اور پنجگور میں مسلح اففراد کیجانب سے پاکستانی فورسز پر حملے
دی بلوچستان پوسٹ نمائندے کو موصول اطلاعات کے مطابق خاران کے علاقے لجّے میں نامعلوم مسلح افراد نے فورسز کے چیک پوسٹ پر آتش گیر اسلحہ سے حملہ کیا ہے۔
علاقائی ذرائع کے مطابق مسلح افراد اور فورسز کے درمیان دیر تک فائرنگ کا تبادلہ ہوا جس سے علاقہ دھماکوں اور فائرنگ کی آواز سے گونج اٹھا، جبکہ فورسز کو جانی و مالی نقصان اٹھانے کا خدشہ ظاہر کیا جارہا ہے۔
دریں اثناء پنجگور کے علاقے کیل کور میں نامعلوم مسلح افراد نے فورسز کے چوکی پر حملہ کر کے نشانہ بنایا ہے۔
مذید تفصیلات کے مطابق مسلح افراد کی جانب سے بھاری ہتھیاروں سے حملہ کیا گیا ہے جس میں نقصانات کا خدشہ ہے۔
واضح رہے کہ گزشتہ اور رواں ماہ میں فورسز پر حملوں میں کافی شدت آگئی ہے۔
