جبری طور لاپتہ ڈاکٹر دین کے گھر پر فورسز کا چھاپہ
دی بلوچستان پوسٹ ویب ڈیسک کو موصول ہونیوالی اطلاعات کے مطابق جبری طور پر لاپتہ ڈاکٹر دین محمد بلوچ کے گھر پر چھاپہ مارا گیا، دوران چھاپہ گھر میں موجود گھریلو اور دیگر ضروریات زندگی کی اشیاء کو نقصان پہنچایا گیا۔
خاندانی ذرائع کے مطابق دوران چھاپہ فورسز اور ڈیتھ اسکواڈ کے اہلکاروں نے گھر میں موجود قیمتی اشیاء کی لوٹ مار سمیت اشیاء کو نقصان پہنچایا گیا ہے۔ تاہم ڈاکٹر دین محمد بلوچ کے لواحقین انکی بازیابی کی خاطر دوسرے شہروں میں احتجاج میں مصروف ہیں اور ان کے گھر میں زیادہ تر کوئی موجود نہیں رہتا ہے جسکی وجہ کسی قسم کی گرفتاری عمل میں نہیں آسکی ہے۔
واضح رہے ڈاکٹر دین محمد بلوچ کو اورناچ سے دوران ڈیوٹی اغواء کیا گیا تھا جو تاحال لاپتہ ہیں جبکہ ان کے لواحقین ڈاکٹر دین محمد کے اغواء میں ملوث ہونے کا الزام پاکستانی فورسز اور خفیہ اداروں پر عائد کرتے رہے ہیں۔
