Urdu

بلوچ لبریشن آرمی نے بولان میں فورسز پر حملے کی ذمہ داری قبول کرتے ہوئے کہا کہ اس حملے میں دو اہلکار ہلاک ہوئے ہیں۔

بلوچستان لبریشن فرنٹ نے ہیرونک میں پاکستانی فوجی قافلے پر حملے کی ذمہ داری قبول کر لی ہے۔ بلوچستان لبریشن فرنٹ کے ترجمان میجر...

بلوچستان کے ضلع آواران میں باراتیوں کی گاڑی کو حادثے کے نتیجے میں تین افراد جانبحق جبکہ  خواتین و بچوں سمیت 26 افرادزخمی ہوئیں ہیں۔ آواران انتظامیہ کے مطابق ہفتہ کے روز گیارہ بجے کے قریب آواران کے علاقے بزداد سے مالار جانے والی باراتیوں سے بھری زمباد پکاپ گاڑی ٹائر پھٹنے کے  سبب  بے قابو ہوکر الٹ گئی جس کے نتیجے میں دو خواتین اور  ایک مرد جانبحق ہوگئے ہیں- زخمیوں میں چند افراد کی حالت تشویشناک ہے جنہیں کراچی منتقل کیا جارہا ہے- آواران انتظامیہ کے مطابق حادثے میں 26 افراد زخمی ہوئے ہیں جنہیں طبی امداد دی جارہی ہے جبکہ لاشوں کو ضروری کارروائیکی بعد لواحقین کے حوالے کردیا گیا ہے-

بلوچ ریپبلکن گارڈز کے ترجمان دوستین نے کہا کہ گذشتہ شب ہمارے سرمچاروں نے  ڈیرہ مراد جمالی میں زیر تعمیر فوجی چھاؤنیکے مرکزی دروازے پر بارودی مواد نصب کرکے ریموٹ کنٹرول بم سے نشانہ بنایا۔ ترجمان نے کہا اس دھماکے کے نتیجے میں مرکزی دروازہ تباہ ہوا اور ڈیوٹی پر معمور دو اہلکار زخمی ہوئے۔ ترجمان نے آخر میں کہا کہ ہماری اس طرح کی کارروائیاں بلوچستان کی آزادی تک جاری رہیں گے۔

لاپتہ افراد کی بازیابی کے لئے ماما قدیر بلوچ کی قیادت میں قائم وائس فار بلوچ مسنگ پرسنز کے طویل بھوک ہڑتالی کیمپ کو آج4690  دن مکمل ہوگئے،  ہرنائی سے جبری گمشدگی کے  شکار اسکول ماسٹر مجیب الرحمان کی اہلیہ سمیت دیگر لاپتہ افراد کےلواحقین شریک ہوئیں۔ ہرنائی سے لاپتہ اسکول ماسٹر مجیب الرحمان کے اہلیہ نے لاپتہ افراد کے کیمپ میں اپنے ویڈیو بیان میں کہا کہ پاکستانی خفیہاداروں کے اہلکار شوہر کی رہائی کے بدلے ان سے پیسوں کا مطالبہ کر رہے ہیں- انہوں نے کہا مجیب الرحمٰن اسکول ٹیچر ہیں جنہیں رواں سال 15 جنوری کو پاکستانی سیکیورٹی اداروں نے کھوسٹ اور شاہرگ کےدرمیان علاقے سے حراست میں لے کر نامعلوم مقام منتقل کردیا تھا جس کے بعد سے وہ تاحال منظر عام پر نہیں آسکے ۔ لاپتہ اسکول ٹیچر کے اہلیہ کے مطابق جب انکے رشتہ داروں نے انکی شوہر کی تلاش شروع کی تو مذکورہ ایف سی کیمپ والوں نےمجیب الرحمان کی حراست میں ہونے کی تردید کی ، لیکن پھر پیسے مانگے گئے لیکن اسکے باوجود میرے شوہر کو منظر عام پر نہیںلایا جارہا اور نا ہی ان پر کسی قسم کا الزام ظاہر کیا جارہا ہے- لاپتہ مجیب الرحمان کے اہلیہ نے حکومتی نمائندوں اور انسانی حقوق کی اداروں سے اپنے  شوہر کی بازیابی کا مطالبہ کیا - انہوں نے کہا ہم وزیر اعظم پاکستان، سپریم کورٹ آف پاکستان، انسانی حقوق کے اداروں  سے  اپیل کرتے ہیں وہ ہماری آواز بن کرہمارے لاپتہ پیاروں  کو بازیاب کرانے میں کردار ادا کریں۔

مستونگ میں پاکستانی فورسز نے گھر پر چھاپے کے دوران ایک شخص کو گرفتار کرکے اپنے ہمراہ لے گئے۔ تفصیلات کے مطابق بلوچستان کے ضلع مستونگ کے علاقے کردگاپ میں 28 جون کی رات پاکستانی فورسز نے عبدالمطلب سرپرہ کےگھر پر چھاپہ مارا،  دوران چھاپہ   فورسز نے عبدالمطلب سرپرہ کے بیٹے شیر گل کو گرفتار کرکے اپنے ہمراہ لے گئے ،جس کے بعد سے تاحال نوجوان لاپتہ ہے۔

بلوچستان کے ضلع بولان میں نامعلوم افراد نے پاکستانی فورسز کے پوسٹ کو حملے میں نشانہ بنایا ہے۔ اطلاعات کے مطابق مسلح افراد نے نودگہار میں ٹاکری کے مقام پر قائم پاکستانی فورسز کے پوسٹ پر مختلف ہتھیاروں سے حملہ کیا،دونوں اطراف سے فائرنگ کا تبادلہ جاری رہا جبکہ بعدازاں حملہ آور فرار ہوگئے۔ حکام نے تاحال اس حوالے سے کوئی موقف پیش نہیں کیا ہے تاہم مذکورہ علاقوں میں ماضی بھی فورسز پر حملے ہوئے ہیں جن میںانہیں جانی و مالی نقصانات اٹھانے پڑے ہیں۔ گذشتہ دنوں پیراسماعیل کے علاقے میں پاکستانی فورسز کے بم ڈسپوزل اسکواڈ کو آئی ای ڈی حملے میں نشانہ بنایا گیا جس میںانہیں جانی نقصانات کا سامنا کرنا پڑا جبکہ حملے کی ذمہ داری علاقے میں متحرک بلوچ آزادی پسند تنظیم بلوچ لبریشن آرمی نےقبول کی تھی۔ آج ہونے والے حملے کی ذمہ داری تاحال کسی تنظیم نے قبول نہیں کی ہے۔

سائرہ کی کہانی ٹی بی پی فیچر رپورٹ آصف بلوچ "ایک عام سا وٹساپ نوٹیفیکشن، ہماری زندگی اس قدر بدلنے والا ہے، میسج کھولنے سے قبل ہمیں اسکا اندازہ تک نہیں تھا۔"...

بلوچستان کے ضلع کیچ میں گذشتہ شب پیش آنے والے ایک واقعہ میں خاتون پر حملہ کرکے اس کو قتل کردیا گیا ہے۔ واقعہ ضلع کیچ کے علاقے مند لبنان میں پیش آیا ہے، پولیس ذرائع کے مطابق گزشتہ رات لبنان مند میں مشتبہ ملزمان نے چھریوں سےوار کرکے مسماۃ ( م )سکنہ پھل آباد تمپ کو قتل کردیا ہے۔  مند پولیس کا کہنا ہے واقعہ میں ملوث افراد کے خلاف کاروائی کرتے ہوئے ملزمان کو گرفتار کرلیا گیا ہے تاہم پولیس نے ملزمان کیشناخت میڈیا میں ظاہر نہیں کی ہے۔ علاقائی ذرائع کے مطابق مند لبنان کے رہائشی عبدالرسول ولد غلام رسول سکنہ لبنان نے...

ایران میں گذشتہ شب ہونے والے زلزلے میں اب تک پانچ افراد کے ہلاک و بیس سے زائد کے زخمی ہونے کے اطلاعات ہیں۔  یورپی بحیرہ روم زلزلہ مرکز کے مطابق زلزلہ ایران کے جنوب میں آیا، جس کی گہرائی 10 کلو میٹر اور شدت 6.1 ریکارڈ کی گئی ہے۔ ایرانی میڈیا کے مطابق 6.1 شدت کے اس زلزلے سے عمارتوں کو بھی نقصان پہنچا ہے، زلزلے کا مرکز ایران کی بندر گاہ لنگہ ہے، جواماراتی ریاست شارجہ سے 150 کلومیٹر کی دوری پر ہے۔ ایرانی ایمرجنسی محکمے کے حکام نے کہا زلزلے سے متاثرہ علاقوں میں امدادی ٹیمیں پہنچنا شروع ہوگئیں اور زلزلے سے متاثرین کےلئے امدادی خیمے نصب کئے گئے۔ دوسری جانب ابوظہبی، دبئی اور شارجہ سمیت متحدہ عرب امارت میں بھی زلزلے کے شدید جھٹکے محسوس کئے گئے۔ یورپی بحیرہروم زلزلہ مرکز کے مطابق زلزلہ کا مرکز ایرانی بندرگاہ لنگہ تھا جو شارجہ سے 150کلومیٹر دورہے۔ تہران یونیورسٹی کے انسٹی ٹیوٹ آف جیو فزکس کے مطابق، خلیج فارس اور ہرمزگان کی سرحد کے قریب آج صبح 2 بج کر 2 منٹ پرریکٹر اسکیل پر 6.1 کی شدت کا زلزلہ آیا۔ یہ زلزلہ سطح زمین سے 10 کلومیٹر کی گہرائی میں آیا۔ زلزلے کا مرکز کانگ شہر سے 41 کلومیٹر اور لانگہ بندرگاہ سے 48 کلومیٹر دور ہے اس کے علاوہ یہ جگہ بندر عباس سے 107 کلومیٹر دور ہے۔ ہرمزگان میں حکومت کے ڈائریکٹر نے کہا 300 سے زیادہ گھرانوں پر مشتمل سیح خوش گاؤں زلزلے کا مرکز تھا اور اس علاقے میںسب سے زیادہ نقصان ہوا۔