ینگ ڈاکٹرز ایسوسی ایشن بلوچستان کے ترجمان ڈاکٹر رحیم خان کے جاری کردہ بیان میں کہا گیا ہے کہ پنجاب انسٹیٹیوٹ آف کارڈیالوجی میں وکلاء کے ایک مخصوص دہشتگرد گروہ کی جانب سے ڈاکٹروں اور مریضوں پر بزدلانہ حملے کی شدید الفاظ میں مذمت کرتے ہیں۔
بیان میں کہا گیا ہے کہ وکلاء کی جانب سے غیر پیشہ ورانہ رویے کا مظاہرہ کرتے ہوئے ڈاکٹروں اور مریضوں پر حملہ دہشتگردی کی اعلیٰ مثال ہے جس کی جتنی بھی مذمت کی جائیں کم ہیں، ینگ ڈاکٹرز ایسوسی ایشن بلوچستان نے وزیراعظم پاکستان، وزیر اعلیٰ پنجاب، وزیر قانون و وزیر صحت پنجاب سے مطالبہ کیا کہ واقعے کی شفاف انکوائری کے احکامات جاری کرتے ہوئے قانون کے رکھوالے کہلائے جانے والے کالے کوٹوں میں ملبوس دہشتگرد صفت ذمہ داران کو کیفر کردار تک پہنچانے میں کوئی کسر نہ چھوڑی جائیں تاکہ اس قسم کی دہشتگردانہ سوچ کا خاتمہ ممکن ہوسکیں۔
ترجمان نے مزید کہا کہ پورے ملک کی ڈاکٹرز کمیونٹی مشکل کی اس گھڑی میں پنجاب کے ڈاکٹر و مریضوں کیساتھ کھڑی ہے ینگ ڈاکٹرز پنجاب کی کال پر بلوچستان بھر میں احتجاجی تحریک کا آغاز کریں گے۔
