پاکستانی فورسز نے ایک شہری کو حراست میں لینے کے بعد نامعلوم مقام پر منتقل کر دیا ہے۔
جبری گمشدگی کا نشانہ بننے والے شہری کے اہل خانہ کے مطابق 9 اپریل 2026 کو پاکستانی فورسز نے واحد بلوچ ولد کریم بخش، ساکن شاپک ڈانڈل، کو حراست میں لینے کے بعد لاپتہ کر دیا۔
اہل خانہ کا کہنا ہے کہ واحد بلوچ کا تعلق کیچ کے علاقے ڈانڈل شاپک سے ہے۔ انہیں مرکزی بازار تربت سے پاکستانی فورسز نے حراست میں لیا اور اپنے ہمراہ لے گئے، جس کے بعد سے وہ منظرعام پر نہیں آ سکے ہیں۔
اہل خانہ نے حکام اور انسانی حقوق کی تنظیموں سے اپیل کی ہے کہ وہ اس واقعے کا نوٹس لیں اور واحد بلوچ کی فوری بازیابی کو یقینی بنائیں۔
