بلوچستان کے ضلع کیچ میں پاکستانی فورسز کو حملے میں نشانہ بنایا گیا ہے جبکہ خضدار میں دستی بم پھٹنے سے ایک شخص زخمی ہوا ہے۔
تفصیلات کے مطابق ضلع کیچ کے شہر تربت کے علاقے گِنّہ میں پاکستانی فورسز کی ایک چوکی کو نامعلوم مسلح افراد نے نشانہ بنایا۔
مقامی ذرائع کا کہنا ہے کہ حملے کے دوران کم از کم آٹھ زور دار دھماکوں کی آوازیں سنی گئی جس کے فوراً بعد شدید فائرنگ کا سلسلہ بھی شروع ہو گیا۔
دوسری جانب ضلع خضدار کے علاقے کرخ میں ایک دستی بم پھٹنے کے نتیجے میں ایک شخص زخمی ہو گیا۔
