بلوچستان کے علاقے سوراب اور گرگینہ میں تین مختلف واقعات میں پاکستانی فورسز کی گاڑیوں اور پوسٹوں کو مسلح حملوں میں نشانہ بنایا گیا ہے جبکہ کوئٹہ تفتان شاہراہ پر بلوچ آزادی پسندوں نے گھنٹوں تک ناکہ بندی کی۔
سوراب کے علاقے بینچہ میں پاکستانی فورسز کی دو گاڑیوں کو گھات لگائے مسلح افراد نے راکٹوں اور دیگر خودکار ہتھیاروں سے حملے میں نشانہ بنایا ہے جس کے نتیجے میں تین اہلکاروں کے ہلاکت اور متعدد کے زخمی ہونے کی اطلاعات ہیں۔
دریں اثناء مستونگ کے علاقے کردگاپ، گرگینہ میں گریڈ اسٹیشن اور کوتل کے مقامات پر پاکستانی فورسز کے دو پوسٹوں کو مسلح افراد نے حملوں میں نشانہ بنایا ہے۔
اسی دوران بلوچ آزادی پسندوں نے کوئٹہ-تفتان مرکزی شاہراہ پر چیک پوائنٹس قائم کرکے ناکہ بندی کی اور اسنیپ چیکنگ جاری رہی۔ ایک علاقائی ذرائع کے مطابق شاہراہ پر ناکہ بندی چار گھنٹوں سے زائد جاری رہی۔
