بلوچستان کے دارالحکومت کوئٹہ سمیت دیگر علاقوں میں ایک مرتبہ پھر موبائل فون انٹرنیٹ سروس معطل کردی گئی۔
کوئٹہ میں منگل کی صبح سے انٹرنیٹ سروس معطل ہونا شروع ہوئی۔
سرکاری حکام کے مطابق سکیورٹی خدشات کے سبب موبائل فون انٹرنیٹ سروس معطل رہے گی ۔
موبائل فون انٹرنیٹ سروس کی معطلی سے صارفین کو مشکلات کا سامنا ہے۔ اس سے قبل سکیورٹی خدشات کے باعث بلوچستان بھر میں موبائل فون سروس معطل کی گئی تھی۔
بلوچستان میں سکیورٹی خدشات کے باعث طویل عرصے تک موبائل فون انٹرنیٹ سروس کی بندش سے طلبا کے علاوہ آن لائن کاروبار کرنے والوں کو پریشانی کا سامنا کرنا پڑتا ہے۔
