پاکستانی فورسز نے بلوچستان کے ضلع پنجگور کے تین رہائشیوں کو کراچی سے حراست میں لینے کے بعد لاپتہ کردیا ہے۔
لاپتہ افراد کی شناخت صابر ولد فضل کریم، زبیر ولد فضل کریم اور سلمان ولد شاہی کے ناموں سے ہوئی ہے۔ تینوں پنجگور کے علاقے پروم کے رہائشی بتائے جاتے ہیں۔
ذرائع کے مطابق، مذکورہ افراد کو 9 اگست کو اس وقت حراست میں لیا گیا جب وہ علاج کی غرض سے کراچی آئے ہوئے تھے۔ انہیں اس وقت حراست میں لیا گیا جب وہ ایک ہوٹل سے اسپتال کی جانب جا رہے تھے۔ اس کے بعد سے ان کا کوئی سراغ نہیں مل سکا۔
