پنجاب کے شہر ملتان میں دو درجن افراد نے احتجاج کرتے ہوئے حکومت سے بلوچ لبریشن آرمی کے خلاف کاروائی کا مطالبہ کیا ۔
اس احتجاج میں بلوچ لبریشن آرمی کے ہاتھوں ہائی جیک ہونے والے ٹرین میں ہلاک فوجی اہلکاروں کے لواحقین نے شرکت کی اور انصاف کا مطالبہ کرتے ہوئے بی ایل اے کے خلاف کاروائی کی اپیل کی ۔
واضح رہے کہ رواں سال مارچ میں بلوچ لبریشن آرمی کی جانب سے جعفر ایکسپریس پر حملہ کرکے اس کو ہائی جیک کرلیا گیا تھا۔ہائی جیک کے دوران بی ایل اے نے تمام سویلین کو چھوڑ دیا اور ریل میں سوار 214 پاکستانی فورسز کے اہلکاروں کو یرغمال بنالیا تھا۔
بی ایل اے نے یرغمالیوں کی رہائی کو قیدیوں کے تبادلے سے منسوب کیا تھا اور پاکستانی فورسز کو 48 گھنٹے کی الٹی میٹم دیی جبکہ اس دوران پاکستانی فورسز نے آپریشن کا آغاز کردیا اور بی ایل اے نے تمام یرغمالیوں کو ہلاک کردیا۔
اس حملے کے بعد، کوئٹہ سے پاکستان کے دیگر حصوں کے لیے ٹرین سروس غیر معینہ مدت کے لیے معطل کر دی گئی۔