خضدار، جبری گمشدگیوں، بلوچ خواتین کی گرفتاریوں اور حب میں خواتین پر براہ راست فائرنگ کے خلاف خضدار کے عوام نے بھی شدید احتجاج کرتے ہوئے مرکزی شاہراہ بلاک کر دی۔
ذرائع کے مطابق بلوچستان بھر میں جبری گمشدگیوں کے خلاف احتجاج شدت اختیار کر گیا ہے اور بیشتر قومی و بین الاقوامی شاہراہیں مظاہرین نے بند کر دی ہیں۔ مختلف علاقوں میں عوامی غم و غصے کے باعث صورتحال کشیدہ ہو گئی ہے، جبکہ مظاہرین نے جبری گمشدگیوں کے خاتمے اور گرفتار خواتین کی فوری رہائی کا مطالبہ کیا ہے۔
بلوچستان میں جاری احتجاجی مظاہروں کے باعث ٹریفک نظام متاثر ہو چکا ہے، اور کئی اہم تجارتی راستے بھی بند ہونے کی اطلاعات موصول ہوئی ہیں۔
