زہری بازار میں مسلح افراد نے لیویز تفتیشی افسر سمیت دو افراد کو اسلحے کے زور پر اغوا کر لیا۔
تفصیلات کے مطابق، بلوچستان کے ضلع خضدار کی تحصیل زہری کے مرکزی بازار سے مسلح افراد نے لیویز کے تفتیشی افسر عبدالحفیظ اور ایک شہری، حفیظ مغل، کو زبردستی اپنے ساتھ لے گئے۔
ذرائع کے مطابق، اغوا کاروں کی شناخت تاحال نہیں ہو سکی، اور واقعے کی وجوہات کے بارے میں پولیس کی جانب سے کوئی مؤقف سامنے نہیں آیا ہے۔
یہ امر قابل ذکر ہے کہ گزشتہ ماہ اسی علاقے میں بلوچ لبریشن آرمی (بی ایل اے) کے سرمچاروں نے بڑی تعداد میں داخل ہو کر کئی گھنٹوں تک شہر کا کنٹرول سنبھالا تھا۔ اس دوران انہوں نے لیویز تھانے، نادرا آفس، اور دیگر سرکاری عمارتوں کو نذر آتش کر دیا تھا۔
بی ایل اے کے مطابق، زہری آپریشن ان کے “آپریشن ہیروف” کا دوسرا مرحلہ تھا، جس کا مقصد شہروں پر کنٹرول حاصل کرنے کی مشق تھا۔ تنظیم نے مزید حملوں کا عندیہ بھی دیا تھا۔
مزید برآں تاحال کسی نے اس واقعہ کی ذمہ داری تاحال قبول نہیں کی ہے۔
