تربت سے جبری لاپتہ کیے گئے نوجوان دین جان سمیت دیگر لاپتہ افراد کے لواحقین نے جدگال ڈن (ڈی بلوچ پوائنٹ) پر ایم 8 شاہراہ بند کرکے دھرنا دے دیا ہے۔
مظاہرین کے مطابق جب تک دین جان سمیت دیگر لاپتہ افراد کی بازیابی یقینی بنائی نہیں جاتی تب تک ایم 8 شاہراہ جدگال ڈن کے مقام پر بند رہے گا۔
ان کے مطابق دین جان اور دیگر لاپتہ افراد کی بازیابی کے لیے ہم نے پہلے بھی احتجاج کیا تھا مگر انتظامیہ نے ہمارے ساتھ بازیابی کا وعدہ کرکے احتجاج ختم کرایا مگر اس کے باوجود ان انہیں بازیاب نہیں کرایا گیا۔
واضح رہے اس وقت تربت ، پسنی سمیت حب چوکی ، سوراب اور کوئٹہ میں جبری گمشدگیوں کے خلاف دھرنے جاری ہیں اور کئی سڑکیں ٹریفک کے لئے معطل ہیں ۔
