ہفتے کے روز جرمنی کے شہر ھنوفر میں مقیم بلوچ ڈائسپورا نے بلوچ راجی مچی پر پاکستانی کریک ڈاؤن کے خلاف احتجاجی مظاہرہ اور ریلی کا انعقاد کیا۔
جس میں جرمنی میں مقیم بلوچ سیاسی کارکنوں اور خواتین کی بڑی تعداد نے شرکت کی ۔
مظاہرین نے بلوچ راجی مچی کے خلاف ہونے والی حالیہ کریک ڈاون کے خلاف اپنا احتجاج ریکارڈ کرایا ۔
مظاہرین نے شہر کے مرکزی نقطے پر پہلے احتجاج کیا اس کے بعد ھنوفر شھر کے مرکزی شاہراہوں پر مارچ کرتے ہوئے Arnst August Platzt پر دوبارہ منظم ہوکر احتجاج کیا ۔
اس موقع پر مقررین نے خطاب کرتے ہوئے کہاکہ اس احتجاج کا مقصد بلوچستان میں جاری ریاستی بربریت اور بلوچ نسل کشی سمیت بلوچستان میں لاپتہ افراد کی عدم بازیابی کے حوالے سے بین الاقوامی قوتوں کی توجہ مبذول کرانا ہے۔
انہوں نے مزید کہا کہ بلوچستان میں بلوچ قوم پر پاکستانی جبر کیخلاف بلوچ کے ساتھ یکجہتی کیلئے ڈائسپورا ہما وقت تیار رہیگا۔
اس موقع پر جرمن اور انگلش زبان میں ایک پمفلٹ تقسیم کیا گیا جس میں گوادر میں حالیہ پاکستانی جبر اور کریک ڈاؤن پر لوگوں کو آگاہی دی گئی ۔
