بلوچستان لبریشن فرنٹ کے ترجمان میجر گہرام بلوچ نے میڈیا کو جاری ایک بیان میں کہا ہے کہ ہمارے سرمچاروں نے قابض پاکستانی فوج کے اپسی کھن کیچ میں واقع مرکزی کیمپ پر حملہ کرکے دشمن کو جانی و مالی نقصان پہنچایا۔
ترجمان کے مطابق یہ حملہ جمعرات اور جمعہ کی درمیانی رات کو آٹھ بجے کیا گیا تھا۔سرمچاروں نے دو اطراف سے مناسب فاصلہ اختیار کرتے ہوئے پاکستانی فوج کے مذکورہ کیمپ پر آٹھ گرنیڈلانچرز فائر کیے جو کیمپ کے اندر گرنے سے دشمن کو جانی اور مالی نقصان پہنچا۔
انہوں نے کہاکہ بلوچستان لبریشن فرنٹ اس حملے کی ذمہ داری قبول کرتی ہے۔بلوچ سرزمین کی آزادی تک قابض پاکستانی فوج پر ہمارے حملے جاری رہیں گے۔
