بلوچ لبریشن ٹائیگرز کے ترجمان میران بلوچ نے میڈیا کو جاری کردہ بیان میں کہا ہے کہ بلوچستان کے ضلع ڈیرہ بگٹی کی تحصیل سوئی کے نواحی علاقے رئیس توخ اور گردو نواح میں مقیم مقامی آبادیوں پر آج صبح پاکستانی فوج نے ایک وسیع آپریشن کا آغاز کیا۔
ترجمان نے کہاکہ بی ایل ٹی کے ساتھیوں نے عام لوگوں کے دفاع کیلئے مذکورہ علاقوں میں پہنچ کر فورسز کے حملے کو پسپا کردیا۔ دن بھر جاری رہنے والے جھڑپوں میں دس اہلکاروں کو ہلاک کردیا اور اطلاعات کے مطابق بارہ اہلکار زخمی بھی ہوئے جبکہ بی ایل ٹی کے ساتھیوں نے دو فوجی گاڑیوں کو بھی تحویل میں لیکر نذر آتش کردیا۔
میران بلوچ کا کہنا تھا کہ بلوچ عوام کے دفاع میں ہر محاذ پر دشمن کے مقابلے کیلئے ہمہ وقت تیار ہیں اور ہر بدمعاشی کا منہ توڑ جواب دیا جائے گا۔
