بلوچستان کے علاقے چمن اور گردنواح میں زلزلے کے شدید جھٹکے محسوس کئے گئے جبکہ زلزلے کے باعث مکان کی چھت گرنے سے تین بچیاں جاں بحق ہوگئیں۔
لیویز کے مطابق زلزلے کی وجہ سے بائی پاس کے قریب بلالزئی میں مکان کا کمرہ گرنے سے تین بچیاں جاں بحق ہو گئیں۔ مکان تلے دبنے سے خاتون سمیت 5 بچے زخمی بھی ہوئے۔
واضح رہے کہ گزشتہ روز چمن میں 3.6 شدت کا زلزلہ آیا تھا۔ زلزلہ پیما مرکز کے مطابق زلزلے کا مرکز کوئٹہ سے 50 کلومیٹر شمال مغرب میں تھا۔
اسسٹنٹ کمشنر نوید عالم کا کہنا ہے کہ زلزلہ معمولی تھا لیکن کچے مکانات رہائش کے قابل نہیں تھے۔
