بلوچستان نا ضلع کیچ نا تحصیل دشت نا علاقہ بل نگور ٹی سلاء بند بندغ آک نادرا آفس ءِ خاخر تسر۔
گیشتر حوال تا رد ئٹ اینو دوازده بجہ آ سلاء بند بندغ آک نادرا آفس آ جلہو کریسہ اوڑے ساڑی تیوہ آ مشینرنی تے خاخر تریسہ ہشارو آفس ٹی ساڑی تیوہ کریم کروک آتون اوار آفیسر آتے ہم اسہ جاگہ مچ کریر خاخر تننگ آن گڈ اوفتے یلہ کریر۔
یاتی مرے تدوکا تو تحصیل نا علاقہ دشت کھڈان ٹی ہم نادرا آفس آ سلاء بند بندغ آک جلہو کریسہ تیوہ مشینری آتے ہشاسر او جلہو نا ذمہ واری ءِ بلوچ آجوئی دوست سلاء بند تنظیم بلوچستان لبریشن فرنٹ ارفیسس، اندن داسکان اینو نا مروک جلہو نا ذمہ واری ءِداسکان کس ارفتنے۔
