ضلع کیچ کے تحصیل مند کے علاقے گواک سے ایک نوجوان لاپتہ ہوا۔
لواحقین کے مطابق 14 فروری کی رات گئے پاکستانی فورسز اور خفیہ اداروں نے نوجوان کو گھر سے لاپتہ کیا۔
ذرائع کے مطابق پاکستانی فورسز نے عبدالصمد کے گھر پر چھاپہ اور گھروں کو تلاشی لینے کے بعد عبدالصمد کے بیٹوں کے شناختی کاڈ چیک کرنے کے بعد حاصل ولد صمد کو حراست میں لے کر لاپتہ کردیا۔
دریں اثنا کوئٹہ سے لاپتہ ہونے والے سبحان قیصرانی اور مسعود الرحمن قیصرانی کے لواحقین نے کہا کہ ہمارے پیاروں کو اٹھائیس دن گمشدہ رہنے کے بعد 13 فروری کو سی ٹی ڈی نے جعلی ایف آئی آر اور بے بنیاد جھوٹے الزامات و جھوٹے مقدمات بنا کر انہیں منظر عام پر لے آئی۔
جہاں عدالتی کاروائی چل رہی تھی کہ گذشتہ رات سی ٹی ڈی انہیں پھر سے اپنے ساتھ لے گئی کہ تفتیش ابھی مکمل نہیں ہے جس کے بعد وہ لاپتہ ہے۔
وہاں ہرنائی سے مالی ولد فقیر دلشاد مری کو لاپتہ کیا گیا ہے۔ لواحقین نے کہا کہ انہیں پاکستانی فورسز نے گرفتاری کے بعد لاپتہ کیا ہے ، جو پیشے کے لحاظ سے گلہ بان ہے۔
واضح رہے کہ لاپتہ ہونے والے مالی مری کا ایک بھائی پہلے لاپتہ ہونے بعد بازیاب ہوچکا ہے۔
