بلوچستان لبریشن فرنٹ کے ترجمان میجر گہرام بلوچ نے میڈیا کو جاری ایک بیان میں مختلف حملوں کی ذمہ داری قبول کرتے ہوئے کہا کہ کل رات آٹھ بج کر دس منٹ پر سرمچاروں نے تربت کے علاقے ڈنک میں پاکستان نیوی اور ائیرپورٹ کو ایندھن پہنچانے والی ٹینکر پر گرینیڈ اور خودکار ہتھیاروں سے حملہ کیا۔
ترجمان کے مطابق حملے میں ٹینکر کو نقصان پہنچا اور اس کا آپریٹر ہلاک ہوا ہے۔
انہوں نے کہا کہ یہ ٹینکر کراچی سے تربت نیوی اور ائیرپورٹ کو ایندھن پہنچا رہی تھی۔ تربت نیوی بیس سے دوسری سرگرمیوں کے علاوہ ڈرون اور جنگی ہیلی کاپٹرز بھی اُڑان بھرتے ہیں۔ دشت میں حالیہ فوجی آپریشن کا مرکز بھی تربت نیوی بیس ہے۔
ترجمان نے کہا کہ دس اکتوبر کو کوئٹہ سریاب روڈ پر پی ٹی سی ایل آفس کے قریب پاکستانی فوج پر دستی بم حملہ کیا جس سے دشمن فورس کو نقصان اُٹھانا پڑا ہے۔
آخر میں انہوں نے کہا کہ یہ حملے بلوچستان کی آزادی تک جاری رہیں گے۔
