بلوچستان کے مرکزی شہر کوئٹہ میں بلوچستان نیشنل پارٹی کا پانچواں سہہ روزہ مرکزی کونسل سیشن بیاد سردار عطاء اللہ خان مینگل گذشتہ شب اختتام پزیر ہوگیا –
کونسل سیشن میں ملکی، علاقائی، عالمی صورتحال اور آئندہ کے لائحہ عمل پر تبادلہ خیال کیا گیا جبکہ اگلے سالوں کے لئے کابینہ کا چناؤ ہوا-
سردار اختر جان مینگل ایک بار پھر مرکزی صدر منتخب ہوئے جبکہ مرکزی سینیئر نائب صدر ملک عبدالولی کاکڑ، مرکزی نائب صدر پرنس آغا موسی جان بلوچ، مرکزی سیکرٹری جنرل جہانزیب بلوچ، مرکزی ڈپٹی سیکرٹری جنرل ملک نصیر احمد شاہوانی، مرکزی جوائنٹ سکریٹری باہڑ جمیل دشتی، مرکزی سیکرٹری اطلاعات آغا حسن بلوچ، مرکزی پبلیکیشن سیکرٹری ڈاکٹر قدوس بلوچ، مرکزی فنانس سیکرٹری میر اختر حسین لانگو، مرکزی لیبر سیکرٹری موسی بلوچ، مرکزی خواتین سیکرٹری، شکیلہ نوید دھوار،مرکزی کسان سیکرٹری میر نذیر احمد کھوسہ، مرکزی ماہیگیر سیکرٹری خدائیداد واجو، مرکزی ہیومن سیکرٹری احمد نواز اور مرکزی پروفیشنل سیکرٹری نذیر بلوچ منتخب ہوگئے –
