سبی میں بم دھماکہ، 5 ہلاک، فورسز اہلکاروں سمیت پانچ زخمی

سبی کے ڈپٹی کمشنر نے  بتایا کہ دھماکے سے گاڑی تباہ ہوگئی اور اس میں سوار پانچ مزدور موقع پر ہی ہلاک ہوگئے۔ 

تین مزدور اور ان کی حفاظت کے لیے ساتھ جانے والے دو ایف سی اہلکار بھی دھماکے میں زخمی ہوئے۔ زخمیوں کو سی ایم ایچ سبی منتقل کیا گیا۔

ڈپٹی کمشنر کے مطابق مرنے والے مزدوروں میں چار کی شناخت حیدر علی، عثمان یوسف ، محمد بشیر اور مظہر حسین کے نام سے ہوئی ہے ۔ چاروں کا تعلق پنجاب سے تھا۔

سبی اور ہرنائی کے درمیان واقع اس پہاڑی علاقے میں اس سے قبل بھی اس طرز کے حملے ہوچکے ہیں۔

یہاں فورسز پر ہونے والے حملوں میں بلوچ مسلح آزادی پسند تنظیم بی ایل اے ملوث رہی ہے تاہم تازہ حملے کی ذمہ داری ابھی تک کسی تنظیم نے قبول نہیں کی۔