کوئٹہ کے ایڈیشنل آئی جی پولیس عبدالرزاق چیمہ نے کہا کہ عاشورہ کے جلوس کے لیے پولیس، لیویز اور ایف سی کے 10 ہزار اہلکار تعینات ہیں۔
یہ بات انہوں نے بلوچستان کے دارالخلافہ کوئٹہ میں میڈیا سے بات چیت کرتے ہوئے کہی ۔
انہوں نے بتایا کہ سیکیورٹی کے پیشِ نظر وادیٔ کوئٹہ میں موبائل فون سروس رات 12 بجےتک بند رہے گی، 2 ہیلی کاپٹروں کے ذریعے عاشورہ کے جلوس کی فضائی نگرانی کی جا رہی ہے۔
اےآئی جی عبدالرزاق چیمہ نے مزید کہا کہ جلوس کی نگرانی کے لیے کنٹرول رومز قائم کئے گئے ہیں، عاشورہ کا جلوس مغرب سے پہلے اختتام پذیر ہو جائے گا۔
