صوبہ خیبر پختونخوا کے قبائلی ضلع شمالی وزیرستان کی تحصیل میر علی کے گاؤں عیدک میں پاکستان فوج کی گاڑی پر فائرنگ اور بم حملہ کیا گیا جس کے نتیجے میں ایک اہلکار ہلاک اور تین زخمی ہوگئے۔
سرکاری ذرائع کے مطابق میرعلی سب ڈویژن کے علاقے عیدک میں بازار کے قریب نامعلوم افراد نے فورسز کی گاڑی پر ریموٹ بم سے حملہ کیا جس کے نتیجے میں ایک اہلکار ہلاک جبکہ تین زخمی ہوگئے۔ زخمیوں کو طبی امداد کیلئے ہسپتال منتقل کر دیا گیا ہے۔
مقامی ذرائع کا کہنا ہے کہ فورسز کی فائرنگ کی زد میں آکر ایک شہری سعد اللہ بھی ہلاک جبکہ کم از کم چھ شہری زخمی ہوگئے۔
وقوعہ کے بعد فورسز نے علاقے کو گھیرے میں لے کر سرچ آپریشن شروع کردیا، جبکہ علاقے میں کرفیو نافذ کر دیا گیا ہے۔
