صوبہ خیبر پختونخوا کے قبائلی ضلع شمالی وزیرستان میں پاکستان فوج کے چیک پوسٹ پر نامعلوم افراد کے راکٹ حملے میں دو پاکستانی فوجی اہلکار ہلاک ہوگئے
عسکری ذرائع کے مطابق تحصیل میر علی کے گاوں عیدک کے قریب فورسز کی چیک پوسٹ پر نامعلوم افراد نے شدید فائرنگ کرتے ہوئے راکٹ فائر کای جس کے نتیجے میں دو فورسز اہلکار ہلاک اور دو زخمی ہوگئے۔
مسلح افراد کے حملے میں ہلاک ہونے والے اہلکاروں کی شناخت سپاہی آصف اور حوالدار ظفر کے ناموں سے ہوئی ہے۔ واقع کے بعد فورسز نے علاقے کو گھیرے میں لیکر حملہ اوروں کی تلاش شروع کردی۔
زخمی ہونے والے اہلکاروں کو ہسپتال منتقل کردیا گیا ہے جبکہ ابھی تک کسی گروپ یا تنظیم نے اس حملے کی ذمہ داری قبول نہیں کی ہے۔
یاد رہے گزشتہ ماہ متعلقہ علاقے میں دو حملوں میں پاکستانی فوج کے تین اہلکار ہلاک ہوئے جس کے بعد وزیراستان میں کرفیو نافذ کردی گئی تھی۔
