شھید شیھک جان ءِ سالروچ
سنگت ازیز
دی بلوچستان پوسٹ
مرچیگیں روچ پہ بلوچ ڈیھ ءَ یک بلاھیں نکس ءُ تاوان باریں روچے ءِ پیم ءَ زانگ بیت اے ھما روچ انت کہ چہ پنجگور ءَ سیادی داریں یک جوان سالیں انکلابی ئیں سنگتے شھید یوسپ پنام شیھک جان کہ شیھو ءِ نام ءَ مشھور اَت شھید کنگ بوت، چوناہ ءَ کُل شھید کابل اھترام اَنت بلے ھر کسی وتی یک بستار ءُ کدے بیت انت، ھمے رنگ ءَ شھید شھیک جان ءِ وتی یک بستارے ھست، شھید بی آر اے ءِ یک جْوانیں سنگتے ات، براس ءِ تپاک ءُ ھوار بوگ ءَ شھید ءِ یک بلاھیں دستے مان اِنت، آئی ءِ جھد ءُ مکسد پہ بلوچ ڈیھ ءِ نوکیں باندات ءِ واستا وشھالی ءُ آسودگی ءِ مانزمان بیت انت،پرچاکہ آئی ءِ سوچ نیشنلزم ءِ بنیاد ءَ ادارھی رنگ ءَ روان انت ….
شیھو من باز نزیک ءَ دیستگ ، شیھو ءِ تہ ءَ باز کوالٹی مان اَت یکے اے کہ آئی ءَ ھر سنگت ءِ تب زانت ءِ ھساب ءَ گوں ھما سنگت ءَ ڈیل کُت، دومی پارٹی ڈسپلن ءُ رھبندانی vilation کدی برداشت نکت ھر وھد گرم ءُ سرد ءَ گوں ادارھی کاراں دست گٹ ات بلے کدی آئی ءِ تہ ءَ لبز بو رییت تو نہ مارت ھر سھت ءُ دمان ءَ شیھو کندگ ءَ ات، وتی سنگتانی ءُ باکی کل ادارھانی تہ ءَ آئی ءِ یک نامے ھست اَت.
من ءَ یاد انت منی گُڈی گند ءُ نند گوں شیھو ءَ مئے لوگ ءَ بوت وھدے شیھک چہ سپرے ءَ اھتگ ات باز اشتاپ ات کہ من مھاز ءَ رواں سنگت منی ودار ءَ اَنت،گڑا چیزے روچ ما پجّی ءَ گوازینت بازیں جاورانی سر ءَ باوست ( discus )بوت گڑا یک دو روچ ءَ پد سنگتانی ھمراھی ءَ شھیو ءَ مارا اجازت کُت ءُ دیم پہ وتی گُڈی منزل ءَ رھادگ بوت ھما منزل کہ یک شھیدے ءِ سمائی (شعوری) ءُ پکری منزل انت.
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
