سیزدہ نومبر شُھدائے بلوچستان
پہ بلوچ ءُ بلوچستان ءَ شھید بیتگیں کُلیں شھیداں سُھریں دُروت
رئیس توکلی
دی بلوچستان پوسٹ
بلوچ راجی جُنز ءُ دُگنیا ءِ گلامیں راجانی تاکاں چمّے بچاریں کہ ھمک وھد ءَ کجام ھم ملک کہ درامدیں ھاکم ءُ زورگیرانی پنجگانی چیر ءَ بندوک بیتگاں کجام راج ءُ کوم آیانی ماتیں زمین چہ آیاں پچ گِرگ بیتگ گُڑا آ راج ءُ کوماں پہ وتی ماتیں زمین وتی راجی گلامی یے سانکلانی سِندگ ءُ وتی لج ءُ ننگ ءِ پہریزگ ءَ کجام وڈے کربانی ءِ پکار بیتگ آ چک ءُ پد نبوتگاں وتی ھیشی ایں سر ندر کُرتگاں وتی ھوناں گوں زمین اِش رنگ داتگ زالمیً زورگیرانی ھلاپ ءَ جنگ اِش داتگ مروچی آجُو وتواجہین ڈیھانی واھُند اَنت دُگنیاں آیانی جہد ءُ کُربانیاں چہ پراموش نہ اِنت مروچی پہ کیوبا ءِ آجوئی ءَ کُربانی دَیوکیں چے گویرا ببیت یاکہ انڈیا ءَ چہ برتانیہ ءِ سانکلانی سِندگ ءَ مرگ ءَ امباز کنوکیں بھگت سنگھ ببیت یا جنوبی کوریا ءِ کِم ال سنگ مروچی راج دپتراں آیانی نام چہ ھما انکلابی ءَ زانگ بنت کہ آیاں گوں وتی ھوناں وتی راجی تھریک نبشتہ کُتگ.
ھمے وڈ ءَ وہدے دَری مُلکانی چم پہ سُرمگیں بلوچستان ءَ سَک بیتاں آیاں بلوچستان ءِ سر ءَ کبزہ کنگ ءُ وتی پنجگانی چیر ءَ کنگ ءِ کوشست بنا کُت ۔
1839 /13 نومبر ھما روچ اَت کہ وھدے انگریزانی لشکر وتی ھاکمیت ءَ بلوچستان ءُ بلوچانی سر ءَ لانک بندوک اَت بلوچ ءِ لَج ءُ ننگ ءَ وتی پنجگانی چیر ءَ کنگ ءَ کلات ءِسر ءَ وتی زورگیری ءِ کنگ دلمانگ اَت گُڑا بلوچ بامرداں اے گپ پَدّر کُت کہ بلوچ ءِ زمین بلوچ ءِ سرڈگار بے وارِس نہ اِنت۔کہ بلوچ وتی سرڈگار ءُ وتی لَج ءُ ننگ ءَ درامدانی دست ءَ بِدنت
بلوچ بامَرد شھید مھراب ھان گوں وتی ھم پکریں سنگتاں گوں انگریز لشکر ءَ جَنگ دنت بلے گُلامی یے زِند ءَ سَگ اِت نکنت چم ءِ وت بلوچ ءِ لج ءُ ننگ ءَ درمدانی دست ءَ پامالی ءَ دِیست نکنت گوں زورگیریں انگریز لشکر ءَ جنگ دنت پہ بلوچ ءُ بلوچستان ءِ وشھالی ءُ آجوئی ءَ گوں وتی ھمراہاں راج دپتر ءَ نوکیں رنگے دنت ءُ نمیران بیت۔
وھد گوزان کنت یک بَرے پد ءَ بلوچ ءِ سرمچنڈیں پُسگ ماں مکران زورگیر ءِ ھلاپ ءَ شھید بلوچ ھان ءِ سروکی ءَ گُوں زُورگیریں انگریز لشکر ءِ سرا جَنگ ءَ بُنگیج کناں زورگیریں انگریز لشکر ءَ ایمنی ءَ نئیلنت ھمے میان ءَ شھید بلوچ ھان گوں وتی لھتے سنگتاں زورگیریں لشکر ءُ گوں جنگ دیان ءَ پہ ماتیں سرڈگار ءَ ندر بیت ۔
ھمے وڈ ءَ وھدے یک برے پد ءَ پاکستانی لشکر 1948 بلوچستان ءِ سر ءَ اُرش کنت بلوچستان ءَ وتی کبزہ کنت ھما روچ ءَ بِگر تاں روچ ءِ مروچی بلوچ ءِ جنگ گوں پاکستانی لشکر ءَ برجاہ ءَ انت بلوچ ءِ پُسگ زورگیری ءِ ھلاپ ءَ پہ بلوچستان ءِ آجوئی بلوچ لج ننگ ءُ بلوچ راج ءِ وشھالی ءُ ایمنے زندے ءِ ھاتر ءَ جُہد ءَ اَنت گام گام ءِ سر ءَ کُربان بوہگ ءَ اَنت شھید مھراب ھان ۔بلوچ ھان ءُ نواب نوروز ءِ رَند پداں روگ ءَ اَنت گلانی دُروشم ءَ مروچی بلوچ ءِ جَنگ بلوچ آجوئی ءِ جُنز گِندگ بوہگ ءَ اِنت ھزاراں ورناہاں وتی نُگرہیں زِند پہ سرڈگار ءِ آجوئی ءِ ھاتر ءَ کُربان کُرتگاں آ مجید برگیڈ ءِ پدائی ایں شھیدیں سنگت ببنت یا گُوں زُورگیریں لشکر ءَ دیم پہ دیم ءَ جنگ ءَ شھید بیتگیں سنگت ببنت یا ماں پَٹ ءُ گیاباناں دؤر داتگیں بلوچ پُسگانی زانگولیں جُون
کہپہ ماتیں گُلزمین ءَ ندر بیتگاں مروچی شھیدانی دیمھونی اِنت شھیدانی کُربانی اَنت بلوچ راجی جُنز ءَ اِینکس دیمروی کُتگ زورگیریں لشکر پُروش ءِ آماچ کُتگ بلوچ ءِ راجی جُنز شھیدانی پکر سوچ ءُ مکسدانی ھمرائی ءَ دیم روان اَنت شھیدانی ھونانی برورد اِنت شھیدانی کُربانی اَنت مروچی راجی گَل یک جاہ اَنت کہ ,براس,ءِ دُورشم ءَ پاکستانی لشکر ھمک ھلکءُ ھنداں پَٹ ءُ میداناں پُروش آماچ کُتگ آ روچ دُور نہ اِنت شھیدانی ریتکگیں ھون رنگ کارنت بلوچستان یک وتواکے ءُ آجوئیں مُلک ءِ دُروشم ءَ زانگ بیت۔
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
