بلوچستان لبریشن فرنٹ کے ترجمان میجر گہرام بلوچ نے ضلع کیچ میں پاکستانی فوج پر حملوں کی ذمہ داری قبول کرتے ہوئے کہا کہ ہفتہ17 اگست کو ضلع کیچ کے علاقے ہوشاپ میں آرمی کیمپ کے مرکزی چوکی پر اسنائپر سے ایک فوجی اہلکار کو نشانہ بنا کر ہلاک کیا ہے۔
میجر گہرام بلوچ نے کہا کہ تیرہ اگست کو ہوشاپ ہی میں سوراب کے مقام پر سرمچاروں نے فوجی قافلے کو راکٹوں اور بھاری ہتھیاروں سے نشانہ بنایا جس سے دوگاڑیوں کوشدید نقصان پہنچا اور ان میں سوار فوجی اہلکار ہلاک و زخمی ہوئے۔
چودہ اگست کو ضلع آواران میں کولواہ کے علاقے چمبر میں فوجی چوکی پر اسنائپر اور خودکار بھاری ہتھیاروں سے حملہ کیا۔ حملے میں قابض فوج کے دو اہلکار ہلاک ہوئے۔
انہوں نے کہا کہ فورسز پر حملے مقبوضہ بلوچستان کی آزادی تک جاری رہیں گے۔
