ندر پہ شهید پدائین گوادر – میار دشتی – هسابجار

ندر پہ شهید پدائین گوادر

میار دشتی

دی بلوچستان پو سٹ

بچ شیریں بچ مزاریناں
پہ مات ءَ سراں گْواریناں

کولیگ هزار باتاں من
پہ پسگاں شهسواریناں

آپرین مکّهیں ماتاں بات
بچ چونیں نامداریناں

گیدی ءَ وتا کت ات پدّر
آ دلیریں سراں چاریناں

زر مئے سنگارتگ مرچی
کُنگراں ، آ ملگُزاریناں

سلام انت شهیداں دشتی
ملمڈوک ءُ پاسداریناں

ندر پہ مجید برگیڈ ءِ سرمتابیں سراں

هسابجار

جی پہ همل ءَ

ریگزار ءِ دامن ءَ ریگزارے ءِ پد انت کہ گوات ے بہ کروتک نہ کنت .
گوات ے بہ بوتک نہ کنت ،
ریگزار ءُ پد ہر دو یک وڑاں ، ہر دو هم دروشم انت ،
ہر دو هم درورانت ،
گوات ءِ ملّگاں گوں ہر دُکانی رنگ مٹ بنت ،
ہردُکانی لیک گار بنت ءُ ہر دو انسراں ،
گوات ءِ ملّگانی شہار چینچک شاه بہ جنت ،
ریگزار انگت مستریں گوں وتی نکشی ایں چہرگ ءَ ،
همے ریگزار ءِ میری انت کہ مان نیاریت کس ءَ ،
همے ریگزار ءِ مہتری کہ گوں وتیں انگت ءَ ،
چے سنکدر ، چے پرنگ ءُ پُرتگیزی ایں سُرنُڈ ،
همل انت کہ شاگاں نول دنت مان نیلّیں آ زر ءَ ،
ءُ کاریت گوں وت ءَ کِر ءَ
همل انت کہ همل انت مدام ،
زیک پہ پرنگاں اجژدیا ءُ مروچ پہ پنجلاں بلاه ،