ماسٹر دِل دلانک اَت
اکیل مراد
دی بلوچستان پوسٹ
دوھزار ءُ نُہ ءِ چارومی ماہ اَت اے اولی رند اَت من ءُ ماسٹر دوچار کپگ ءَ اِت اِنت ماسٹر ءِ پُشت پِر اَت ماسٹر ءَ ھیڈ کلاھے ھم سر ءَ اَت منی دِل ءَ ھمے وھد ءَ جَت کہ ماسٹر ھمیش اِنت۔
نیشتگیں مردماں گوں آشوبی ھبر کنگ ءَ اَت ھنچو سما بوھگ ءَ اَت کہ ماسٹر جزباتی اِنت بلے پد ءَ چارگ بوھگ ءَ اَت کہ ماسٹر جزباتی نہ اِنت بلکیں اے ھنچیں ھبر اَنت ماسٹر ءَ ھمے وڑ کنگی اَنت میتگانی بزگی وتی مردمانی لاچاری ءُنیزوری،
دمگ ءِ ھمک جاورانی سر ءَ گپ کنگ ءَ اَت من دیت ماسٹر یک مھکمیں مردمے ماسٹر یک پکرے ءِ واھند اِنت۔
چونائیگ ءَ ماسٹر چہ پکر ءَ چکار اَت ھنچُش پھتو اَت مزاتیگیں مچے ھولُمانی وڑ ءَ سھر ءُ چلام اَت، کمے وھد ءَ پد من چہ ماسٹر ءِ دیوان ءَ پاد اتکگ اں ءُ ماسٹر پہ وت شت ءُ من ھم دیم پہ وتی شت اَنت ۔
سال ءُ سیم گوزان اِت اَنت من ءَ ھنچو ماسٹر ءِ زھیر ورگ ءَ اِت اَنت یک روچے ءِ گِندگ ءَ پد منی دل ءَ ھمک روچ گْوشت کہ برو ماسٹر ءِ دیوان ءَ بہ نند برو ماسٹر ءِ ھلک ءَ لَڈ ءُ باری بہ کن ءُ برو ماسٹر ءِ میتگ ءِ کش ءَ زمین ءِ چُنڈ ءِ ماسٹر ءِ گور ءَ بہ پِنڈ بَلے دوھمی نیمگ ءَ جاوراں ماسٹر ءِ میتگ سوتکگ اَت ۔
ھمے سالانی گوزگ ءَ پَد دوھزار ءُ پانزدہ ءِ پد ءَ چارومی ماہ ءَ ھاھاھاھا مئے ھال تران بوت ءُ اے رندی ھم ماسٹر پد ءَ من پجاہ نیاھورت پرچاہ کہ وٹ سپ ءِ سری ھَبر ءِ ءُ ماسٹر من ءَ ھم جاہ آرگ ءَ نہ اِنت من ھم ماسٹر ءَ زانگ ءَ نہ اَنت ھمے میان ءَ من ماسٹر ءَ جست کنگ ءَ اَنت من ءَ ھمے سماہ بیت من ءُ آ یکجاہ بیتگیں ۔
ماسٹر ھم ھمک روچ گْوش اِت بیت کنت من ءُ تو دوچاری بیتگیں بلے نامے جست نہ کنت بیت کنت ماسٹر ءَ چہ وت ءَ ترسگ ءَ اِنت یا ماسٹر چہ من ءَ ترسگ ءَ اِنت ھاھاھاھا ماسٹر ھمے سرپد بئیگ ءَ اَت کہ منی راز پاشک بیت کہ ماسٹر وٹسپی اِنت۔
ھمی وٹسپی دیوانی ءَ منی ءُ ماسٹر ءِ یک سال ءِ سرجم بیت ماسٹر ءَ من ءَ اے میان ءَ جست نہ کرت ءُ من ماسٹر جست نہ کرت ماسٹر ھمک روچ وتی دمگ ءِ نگیگیں جاور ھالاں سر کنگ ءَ اَت یک روچے ءَ اچانگ ءَ ماسٹر ءَ نبشتگ کنگ ءِ جاہ ءَ وائس روان دات ۔
نی من داں گپڑی ءَ کندیت ماسٹر ءَ نی وت ھم رَد وارت کہ منی دست ءَ ردی ءِ بیت ماسٹر ءَ وتی دست ھنچو داشتگ اِت اَنت کہ میسج کنگ ءَ ھم نہ اِنت منی گِرشتی ھلاس بیت ماسٹر؟ نی گَنتر ھمے سماہ بئیگ ءَ اَت ماسٹر ھجمبینگی ءَ گپتگ ءُ دست ءِ ھُشکاں ھِچی گوشگ ءَ نہ اِنت۔
چوں ھُشکیں دار ءَ ماسٹر جِک ءِ پاد اِنت اے سجویں روچ ءَ ماسٹر ءَ منی سر ءَ ھِچی دیم ندات سرجمیں یک روچے ءِ گوزگ ءَ پد دوھمی سھب ءِ سر ءَ ماسٹر ءَ کلوہ ءِ دیم دات دروت سنگت۔
اے اولی وٹسپ ءِ کلوہ اِنت کہ دروت سنگت چِد ءُ پیسر ماسٹر ءَ من ءَ یکوے واجہ گُشتگ ءُ من ھم ماسٹر ءَ پہ ازت ءُ شرپ واجہ گُشتگ یک دوھمی ءَ زانگ نہ بیتگیں وھدیکہ ماسٹر ءَ من ءَ زانت ءُ من ماسٹر پجاہ آھورت گڑا ماسٹر ءِ دپ ءِ دراتکگیں گپ سنگت اَت۔
اے وھد ءَ ماسٹر یک نیمگی ءَ مھکمی رنگ ءَ گِندگ بئیگ ءَ دوھمی نیمگ ءَ ماسٹر پروشتگیں وڑے ءَ بزگی ءِ رنگ ءَ ترگ ءَ اَت دل دلانک اَت روچے یک ھبرے ءِ سر ءَ وتی سر ءَ کَشان اَت روچ ءِ گوستگ اَت پد ءَ ماسٹر مھکمی ءِ دیدانک ءَ پیش کنگ ءَ اَت ۔
یک روچے ءَ ماسٹر ءَ دراھینت کہ جنگ پرچا اوشت ءِ آماچ اِنت سبب چی بیت کنت؟ سنگتانی تہ ءَ نیزوری ریاستی ھنر سازی گیشی بیتگ اَنت نا اڑے ماسٹر سنگتانی تہ ءَ نیزوری نیست بلے دشمن ءِ روچ پہ روچ وتی پندلاں ترند کنان اِنت پرچا اے جنگ ءَ ٹوپ ءُ تیر ءَ ھلاس نہ بئیگیں آئی ءِ مستریں مراد جنگ ءِ ھتم کنگ اِنت ۔
وھدیکہ جنگ ھتم بیتیں سیاسی باسک وت سر ءَ پروشان بنت ماسٹر ءَ ھمے گپ ءِ ایش کُنگ ءَ پد ماسٹر ءِ جان ءَ پورو یکے ءَ پٹرول ءِ گیلن ءِ پِریتک ھاھاھاھاھا ماسٹر نی جزباتی ءِ ھبر ءَ گوشگ ءَ اَت سیاست ءَ گون جنگ ءَ چہ کار؟ جنگ وتی راہ ءَ بہ زانت ءُ سیاست وتی راہ ءَ بہ زانت ۔
ماسٹر چُش نہ اِنت جنگ ءِ زور سیاست اِنت سیاست ءِ زور جنگ اِنت ھردوک یک دوھمی ءَ کمک زیر اَنت۔
پرچا ھنچیں جاہ بنتیں آشوبی راھانی تہ ءَ آ جاہ ءَ سیاست ءِ پاد اوشت اَنت جنگ وتی گاماں دیم ءَ بارت ھنچیں جاہ بنت جنگ ءِ پاد اوشت اَنت ءُ سیاست وتی پاداں دیم ءَ بارت ماسٹر تر ءَ شھید واجہ گلام مھمد ءِ کراچی ءِ تران یات اِنت شھید واجہ گوشت کہ درستیں بلوچ گوش اَنت ما بی اِل اے ءِ باسک اِنت، تی ھیالاں ماسٹر آشوبی پکر ءِ تہ ءَ گڑا اِد ءَ سیاست نیزور بیتگ کہ شھید واجہ ءَ مردم سیاست ءِ کنگ ءِ جاہ ءَ جنگ ءِ سکین داتگ اَنت؟ تی ھیالاں جنگ جاہ ءِ سیاست چی بیتیں ماسٹر ءَ وتی جزباتی ءِ لُنٹ نرم کت اَنت ءُ ھمے گْوشت کہ سیاست ھم کنگی اِنت جنگ ھم کنگی اِنت ھردوکیں رنگانی نیام ءَ پرکی ءُ دگری نہ بیت ھردوک ستک ءُ تپاکی ءَ جنزان کن اَنت ۔
الم سوبمندی ءِ نشانی تر ءَ من ءَ یکیں دمگ ءَ بران کَنت یک تند بستگیں چاگرد ءِ وتی پھک دامنی ءَ تی ھمراہداری ءَ کُرت کنت
اے وھد دوھزار ءُ شانزدہ ءِ جنوری ءِ گُڈی وھد اِت اَنت ماسٹر ھمک روچ وٹ سپ ءَ اونلائین اَت ماسٹر ھمک جاہ ءَ گون اَت یک جنوری ءِ بدیں روچ سھب ءِ سر ءَ اَت ھنچیں یک نہ وشیں ھال ءِ ترگ ءَ اَت ھنچش ماسٹر تپ ءَ گپتگ اَت ھنچش من ءَ ھم تپ ءَ گپتگ اَت ھنچو سماہ بئیگ ءَ اَت ماسٹر گریوْگ اِنت منی چمانی تہ ءَ رژن نیست اَت جان برے لرزگ اِنت برے گھتری ءُ برے چمانی وداریگ ھلاس بیان اِنت ۔
ڈاکٹر منان جان ءِ گوں سنگتاں شھید بیتگ ماسٹر ءِ پرسیگیں ھال ءُ منان جان ءِ وھد ءَ روگ بلوچ کاز ءَ یک ھنچیں تاوان بیت ماسٹر نی وَ گنتر دل پروش بیت یک ساسی پیام برے ءِ روگ ءُ وتی ارواہ ءَ بلوچ جنز ءِ سر ءَ کل کنگ وَ الم یک رژن ءِ بالادانی پیام اِنت ۔
پرچاکہ شھید واجہ شھید بیتگ اَت جنز ءِ تاوانی نہ بیت اوشت ءِ آماچ نہ بیت جنز ءَ دیم ءَ وتی گام برت اَنت شھید واجہ ارواہ ءَ ھنچیں روھے بکش اِت۔
ناکہ جنز اوشتات ءُ ناکہ تنی وھدی ماسٹر ءِ دل دلانکی ھلاس اَنت ماسٹر انگت ءَ ھما دل دلانکیانی رند ءَ کپتگ ءُ روان اِنت۔
دی بلوچستان پوسٹ : اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔
