ضلع کیچ کے مختلف علاقوں می فوجی آپریشن جاری، جس میں فورسز کو فضائی کمک حاصل ہے۔
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع کیچ کے مختلف علاقوں پاکستانی فوج کی جانب سے آپریشن کی جارہی ہے جس میں فورسز کو فضائی کمک بھی حاصل ہے۔
تفصیلات کے مطابق ہوشاپ اور گور کوپ کے درمیانی علاقوں میں آج فوجی آپریشن کا آغاز کردیا گیا، آپریشن میں زمینی فوج بڑی تعداد میں حصہ لے رہی ہے جبکہ انہیں فضائی کمک بھی حاصل ہے۔
علاقائی ذرائع نے ٹی بی پی کے نمائندوں سے بات کرتے ہوئے کہا ہے کہ فورسز کی ایک بڑی تعداد نے گذشتہ رات ہوشاپ سے نکل کر تلسر اور گودّر کے علاقوں کو مکمل گھیرے میں لے لیا تھا۔
یار درہے دو روز قبل بھی ضلع کیچ کے علاقے دشت مزن بند اور دیگر متصل علاقوں فوجی آپریشن کیا گیا تھا جس میں گھروں کی تلاشی لی گئی تھی۔
