بلوچستان لبریشن فرنٹ کے ترجمان گہرام بلوچ نے تربت شہر میں فوجی گاڑی پر حملے کی ذمہ داری قبول کرتے ہوئے کہا کہ 24 جنوری ساڑھے گیارہ بجے سرمچاروں نے تربت شہر میں پارک ہوٹل اور پی آئی اے ہسپتال کے درمیان پاکستان فوج کی ایک گاڑی کو ریموٹ کنٹرول بم سے نشانہ بنایا جس سے گاڑی کو شدید نقصان پہنچا ہے اور اس میں سوار تمام اہلکار ہلاک اور زخمی ہوئے ہیں۔
گہرام بلوچ نے کہا ہے کہ ہم عوام سے ایک دفعہ پھر اپیل کرتے ہیں کہ وہ سرکاری تنصیبات اور فوجی گاڑی و قافلوں سے دور رہیں کیونکہ دشمن فوج پر ہر وقت سرمچاروں کی نظر ہے اور وہ حملہ کیلئے ہمہ وقت تیار ہیں، فورسز کو کسی بھی وقت کسی بھی جگہ نشانہ بنایا جا سکتا ہے۔
