کوئٹہ کے نواحی علاقے سے ایک شخص کی لاش برآمد
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے دارالحکومت کوئٹہ سے ایک شخص کی لاش برآمد ہوئی ہے۔
تفصیلات کے مطابق کوئٹہ کے علاقے قمبرانی روڈ سے ایک شخص کی لاش ملی جسے تشدد کے بعد قتل کردیا گیا ہے۔
ذرائع کے مطابق لاش کی شناخت محمد جان ولد پیر بخش کے نام سے ہوئی ہے، تاہم قتل کے محرکات کے حوالے سے مزید تفصیلات آنا باقی ہے۔
واضح رہے بلوچستان کے مختلف علاقوں سے تواتر کے ساتھ لاشیں ملنے کی خبریں موصول ہوتی رہتی ہے۔ گذشتہ ہفتے ضلع مستونگ اور چاغی سے دو افراد کی لاشیں برآمد ہوئی تھی جن میں سے ایک 20 سالہ نوجوان کو گولیاں مارکر قتل کردیا گیا تھا۔
