گذشتہ روز دوپہر کو خودکش حملے کے بعد جاری جنگ کو رات گئے دیر افغان فورسز نے حملہ آورروں کو مار کر ختم کردیا ۔
دی بلوچستان پوسٹ نمائندہ کابل کے مطابق گذشتہ روز افغانستان کے دارالحکومت کابل کے علاقے مکروریاں میں واقع وزارت فوائد عامہ پہ ہونے والے خودکش حملے کے بعد تین مسلح شدت پسند عمارت کے اندر داخل ہوگئے۔
عمارت میں داخل ہونے کے بعد شدت پسندوں کے خلاف افغان سیکیورٹی فورسز نے کارروائی شروع کی جو دس گھنٹے کے بعد اختتام پذیر ہوا ۔
افغان وزارت صحت نے حملے میں 43 افراد کے جانبحق اور 24 کے زخمی ہونے کی تصدیق کی ۔
تاہم ابھی تک اس حملے کی ذمہ داری کسی بھی شدت پسند نے قبول نہیں کی ہے ۔
