حملے میں فورسز کے تین اہلکار ہلاک جبکہ چار اہلکاروں کے زخمی ہونے کی اطلاع ہے
دی بلوچستان پوسٹ نیوز ڈیسک کو موصول ہونے والی اطلاعات کے مطابق بولان کے علاقے مارگٹ میں فورسز کی گاڑی کے قریب زورداردھماکہ، جس کے نتیجے میں فورسز کے تین اہلکار ہلاک جبکہ چار اہلکار شدید زخمی ہوئے۔
ذرائع کے مطابق دھماکہ اُس وقت ہوا جب فورسز اپنے لیے راشن لیکر جارہے تھے ، دھماکہ سڑک کنارے نصب دھماکہ خیز مواد کے پھٹنے سے ہوا ۔
ریسکیو ذرائع کے مطابق لاشوں اور زخمیوں کو کوئٹہ منتقل کردیا گیا ہے۔
ذرائع کا کہنا تھا کہ زخمی ہونے والے اہلکاروں میں سے دو کی حالت تشویشناک ہے۔
واضح رہےاس سے قبل بھی مارگٹ کے علاقے میں کئی حملے ہوچکے ہیں، جن کی ذمہ داری بلوچ آزادی پسند تنظیم بلوچ لبریشن آرمی کی جانب سے قبول کی گئی تھی ، مگر آج ہونے والے اس حملے کی ذمہ داری اب تک کسی کے جانب سے قبول نہیں کی گئی ہے۔
