غیرت اور گھریلو ناچاقی کی بناء پر 2 خواتین سمیت 1 شخص قتل
دی بلوچستان پوسٹ ویب ڈیسک کو موصول ہونے والی اطلاعات کے مطابق کوئٹہ کے علاقے شیخ ماندہ میں نورمحمد نامی شخص نے گھریلو ناچاقی کی بناء پر اپنی بیوی مسماۃ (ہ) کا گلہ دباکر اسے قتل کردیا اور موقع واردات سے فرار ہوگیا۔
پولیس ذرائع کے مطابق لاش کو تحویل میں لیکر ہسپتال منتقل کردیا گیا جہاں ضروری کاروائی کے بعد لاش ورثاء کے حوالے کردی گئی جبکہ ملزم کی تلاش کیلئے مزید کاروائی کی جارہی ہے۔
دریں اثناء ڈیرہ مراد جمالی میں فائرنگ کے واقعے میں خاتون سمیت دو افراد قتل کردیئے گئے۔
تفصیلات کے مطابق تھانہ بابا کوٹ کی حدود گوٹھ شاہ پور سیال میں غیرت کے نام پر شوہر نے فائرنگ کرکے اپنی بیوی مسماۃ (م) اور اس کے مبینہ آشنا محمد زمان سیال کو قتل کردیا جبکہ ملزم موقع واردات سے فرار ہوگیا۔
اطلاع ملنے پر پولیس نے جائے وقوعہ پر پہنچ کر نعشوں کو سول ہسپتال منتقل کرکے ضروری کاروائی کے بعد ورثاء کے حوالے کردیا، واقعے سے متعلق مزید کاروائی باباکوٹ پولیس کررہی ہے۔
