پنجگور میں ٹریفک حادثہ 10 افراد زخمی
دی بلوچستان پوسٹ ویب ڈیسک کو ملنے والے اطلاعات کے مطابق پنجگور سے گوارگو جانے والی تبلیغی جماعت کی پک گاڑی مخالف سمت سے آنے والی گاڑی سے ٹکرا گئی جس کے نتیجے میں تبلیغی جماعت کے 10 افراد زخمی ہوگئے جنہیں حادثے کے فوری بعد ڈی ایچ کیو اسپتال منتقل کردیا گیا جہاں ایم ایس، سول اسپتال پنجگور ڈاکٹر مظہر سرجن رزاق ڈاکٹر عبدالصمد نے زخمیوں کو طبی امداد فراہم کیا۔
ٹریفک حادثے کے زخمیوں کے نام محمد، اقبال، عامرشفیع، یحی امان، امان اللہ، ذوالفقار، سنجر امیربخش، ظہوراحمد، نویداحمد، محمد عالم ،فاروق اقبال بتائے گئے ہیں اسپتال زرائع کے مطابق محمد اقبال کی حالت تشویشناک ہے جہنیں کراچی ریفر کیا گیا ہے۔
دریں اثناء پولیس اسٹیشن کے ہیڈ محرر محمد فاروق جلالزئی اپنی گاڑی کے نیچے آکر موقع پر جاں بحق۔
تفصلات کے مطابق پولیس تھانے کے ہیڈ محرر محمد فاروق جلالزئی شہر کے قریب ڈیوٹی کے دوران پولینگ اسٹیسنوں کو چیک کررے تھے کہ گاڑی ریت میں پھنس جانے کے بعد گاڑی کو دھکا دیتے ہوئے کہ اچانک گاڑی کے نیچے آکر موقع پر جاں بحق ہوگئے ۔
