افغان طالبان نے خفيہ امن مذاکرات کے حوالے سے ايک اعلیٰ امريکی فوجی اہلکار کے بيان کی ترديد کی ہے۔
طالبان کے ترجمان ذبيع اللہ مجاہد کی جانب سے ذرائع ابلاغ کے اداروں کو ايک تحريری بيان ببھیجا گیا، جس ميں لکھا ہے کہ افغانستان ميں امريکی کمانڈر جنرل جان نکلسن نے اسی ہفتے کابل سے جو بيان ديا، وہ بے بنياد ہے۔
نکلسن نے گذ شتہ بدھ کے روز کابل ميں اپنے دفتر سے پينٹاگون ميں صحافيوں سے بات چيت ميں دعویٰ کيا تھا کہ درميانے اور اعلیٰ درجے کی طالبان قيادت افغان حکومت کے نمائندوں کے ساتھ بات چيت ميں مصروف ہے۔
ترجمان کے مطابق امريکی حکام ايسے بيانات افغانستان ميں اپنی ناکاميوں پر پردہ ڈالنے کے ليے دے رہے ہيں۔
