افغانستان میں طالبان کے حملے میں افغان فضائیہ کا ہیلی کاپٹر تباہ ۔
دی بلوچستان پوسٹ ویب ڈیسک کو ملنے والے اطلاعات کے مطابق افغانستان کے جنوبی صوبے ہلمند میں طالبان کے حملے میں افغان فضائیہ کا ہیلی کاپٹر گر کر تباہ ہو گیا ۔
ہیلی کاپٹر کو طالبان نے ہلمند کے علاقے نہر سراج میں اس وقت نشانہ بنایا جب افغان فورسز طالبان کے ٹھکانے پر چھاپہ مار رہے تھے ۔
دوسری جانب طالبان کے ترجمان نے میڈیا کو جاری کردہ اپنے بیان میں کہا کہ انہوں نے امریکی ہیلی کاپٹر کو نشانہ بنایا جب وہ طالبان کے ٹھکانے پر آپریشن میں مصروف تھا ۔
واضح رہے کہ حالیہ چند دنوں میں طالبان کی جانب سے الخندق کے نام سے جاری مہم میں افغانستان کے مختلف علاقوں میں شدید نوعیت کے جنگ جاری ہے ۔
دریں اثناء افغانستان کے صوبے زابل کے ضلع ارغنداب میں طالبان کے حملے میں 32 پولیس اہلکار جاں بحق جبکہ 57 طالبان بھی مارے گئے ۔
