بلوچستان : مختلف حادثات میں ایک جانبحق متعدد زخمی

دی بلوچستان پوسٹ ویب ڈیسک کو موصول ہونے والی اطلاعات کے مطابق دو مختلف واقعات میں ایک شخص جانبحق اور متعدد زخمی ہوگئے-

تفصیلات کے مطابق کوئٹہ کے علاقے اختر آباد  میں گاڈی کی زد میں آکر ایک شخص اپنے جان کی بازی ہار گیا-

ایدھی ذرائع کے مطابق جانبحق شخص کا نام امان اللہ ولدفدا محمد قوم افغانی بتایا جارہا ہے ،لاش کو ایدھی ایمبولینس کے ذریعے سول اسپتال منتقل کردیا گیا ہے-

دوسری جانب ضلع بولان کے علاقے مچھ میں کوہلہ کان میں گیس کا دھماکہ آٹھ کاکن جھلس گئے-

اطلاعات کے مطابق دھماکہ اس وقت ہوا جب مزدور کان میں کان کنی کر رہے تھے-

واقعے کے بعد زخمی کان کنوں کو مچھ ہسپتال منتقل کر دیا گیا جہاں ابتدای طبعی امداد کے بعد زخمیوں کو کوئٹہ ریفر کر دیا گیا-

ہسپتال ذرائع کے مطابق تمام زخمیوں کی حالت تشویشناک بتاہی جارہی ہے