تربت اور پروم میں پاکستانی فوج پر حملے کر کے بھاری نقصان پہنچایا۔ گہرام بلوچ
بلوچستان لبریشن فرنٹ کے ترجمان گہرام بلوچ نے نامعلوم مقام سے سٹیلائیٹ فون کے ذریعے بات کرتے ہوئے کہا کہ کل آدھی رات سرمچاروں نے ضلع پنجگور میں پاکستانی فوج کی پروم مورو چیک پوسٹ پر راکٹ اور خود کار ہتھیاروں سے حملہ کیا۔
ان کا کہنا تھا کہ اس شدید حملے میں چیک پوسٹ راکٹوں کی زد میں آیا ، جس میں قابض فوج کے کئی اہلکار ہلاک اور زخمی ہوئے ہیں۔
گہرام بلوچ نے مزید کہا کہ سرمچاروں نے آٹھ فروری کی شام تربت شہر میں پاکستانی فوج کی شاہی تمپ چوکی پر خود کار ہتھیاروں سے حملہ کرکے قابض فوج جانی و مالی نقصان پہنچایا۔ یہ حملے بلوچستان کی آزادی تک جاری رہیں گے۔
