پنجگور: بجلی کی طویل لوڈشیڈنگ کے خلاف عوام کا احتجاج

33

پنجگور میں بجلی کی لوڈشیڈنگ کے خلاف عوام کا ڈی سی آفس کے سامنے دھرنا 

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے علاقے پنجگور میں بجلی کی طویل بریک ڈاؤن اور لوڈ شیڈنگ کے خلاف شہریوں کا ڈی سی آفس کے سامنے احتجاجی مظاہرہ اور دھرنا

تفصیلات کے مطابق پنجگور میں لوڈ شیڈنگ کے خلاف پنجگور سوردو، سریکوران، وشاپ سمت دیگر شہریوں نے سوردو سے احتجاجی ریلی نکالی، ریلی کی قیادت علاقائی معتبرین نے کی جبکہ احتجاجی مظاہرین نے ڈی سی آفس روڑ کو بلاک کر کے شدید احتجاج کیا۔

مظاہرین نے کہا کہ گزشتہ ایک ہفتے سے بجلی کی ٹرپنگ کا سلسلہ شروع کیا گیا ہے جس سے ہمارے قیمتی برقی آلات جل رہے ہیں اور پنجگور میں ہونے والے طویل لوڈ شیڈنگ سے کاروبار سمیت دیگر تمام امور رک گئے ہیں سردیوں کے موسم میں گھریلو معاملات پانی کی حصول میں شدید مشکلات کا سامنا کرنا پڑ رہا ہے۔

اس دوران مظاہرین سے ڈپٹی کمشنر نے ملاقات کی، ملاقات میں ڈپٹی کمشنر نے عوام کے مسئلے کو حل کرنے کی یقین دہانی کرائی بعد عوام نے احتجاج ختم کردی۔