ینگ ڈاکٹرز ایسویسی ایشن بلوچستان کے ترجمان نے ایک بیان میں کہاکہ مورخہ 30 جون بروز جمعہ کو ٹیچنگ ہسپتال خضدار میں مریضوں کے لواحقین کی طرف سے ہسپتال میں ڈاکٹروں کے اوپر تشدد، جان سے مارنے کی دھمکیاں اور ہسپتال میں توڑ پھوڑ کی شدید الفاظ میں مذمت کرتے ہیں ۔
انہوں نے کہاکہ 30 جون بروز جمعہ شام 8 بجے روڈ ٹریفک ایکسیڈنٹ کے دو مریض انتہائی تشویش ناک حالت میں ہسپتال لائے گئے اور ڈیوٹی پر موجود ڈاکٹرز اور سٹاف نے فوراً ابتدائی علاج شروع کر دیا اور فوراً ان کو کراچی اور کوئٹہ ریفر کردیا مگر سر میں شدید چوٹ لگنے کی وجہ سے ایک مریض دم توڑ گیا، بعد میں مشتمل لواحقین نے ڈاکٹروں کے اوپر تشدد کیا اور ہسپتال میں تھوڑ پھوڑ کرکے سرکاری املاک کو نقصان پہنچایا۔
ینگ ڈاکٹرز ایسوسی ایشن بلوچستان ہسپتال انتظامیہ ، ڈپٹی کمشنر خضدار اور اعلیٰ حکام سے مطالبہ کرتے ہیں کہ واقعہ میں ملوث شرپسند عناصر کو گرفتار کیا جائے اور ہسپتال کو سیکورٹی فراہم کی جائے ،
بیان میں کہا گیا ہے کہ واقعہ میں ملوث ملزمان کی گرفتاری تک پی ایم اے خضدار اور ینگ ڈاکٹرز ایسوسی ایشن بلوچستان خضدار مشترکہ طور پر ٹیچنگ ہسپتال خضدار میں او پی ڈی سروسز سے بائکاٹ کا اعلان کرتے ہیں، شرپسندوں کے خلاف کارروائی عمل میں نہ لائی گئی تو سخت احتجاج کا راستہ اپنایا جائے گا ۔
